ვიკვებოთ სწორად!

არასწორი კვება ყველაზე დიდი პრობლემაა ადამიანებში, ზოგი ზომაზე მეტს მიირთმევს, ზოგი პირიქით, ნაკლებს, ზოგი სიმსუქნით იტანჯება, ზოგი ანორექსიით, ეს მხოლოდ რაც გარეგნულად ჩანს, ხოლო შინაგანი პრობლემები ყველასთვის ინდივიდუალურია.
არასწორს კვებას ხშირად გარე ფაქტორები უწყობს ხელს. არაჯანსაღი საკვები, ზედმეტად კალორიული და ჯანმრთელობისთვის საშიში პროდუქტები, ასევე დროის არასწორი განაწილება და სიზარმაცე.
თუ ადამიანი არარეგულარულად იკვებება, მას ექნება დისპეფსიური მოვლენები და მაღალი ალბათობა ნაღვლ- კენჭოვანი დაავადების განვითარებისა. ჯანმრთელობისა და დღეგრძელობისთვის აუცილებელია იკვებოთ 3-4 -ჯერ დღეში, ერთსა და იმავე დროს. დილით 9 სთ-მდე, შემდგომი ჯერადობა ინდივიდუალურად უნდა შეირჩეს. ბოლო კვება უნდა იყოს არაუგვიანეს 19:00-ისა.
საკვებში რაც შეიძლება მეტი ბოსტნეული და ხილი უნდა შედიოდეს, ეცადეთ ზედმეტად ცხიმიანს, ტკბილს და მარილიანს ერიდოთ. თევზი და ხორცი სასურველია კანგაცლილი მიირთვათ. მოერიდეთ შებოლილ და კონსერვირებულ საკვებს.
დაიმახსოვრეთ რომ სწორი კვება, თქვენი სიცოცხლის გარანტიაა.



მოამზადა: თაკო არჯევანიძემ
სპეციალურად: GOGAGGG.COM-სთვის.